ஆசையெனும் - 1

ஆசையெனும் பெருங்காற்றூ டிலவம்பஞ் செனவுமன
தலையுங் காலம்
மோசம் வரும் ; இதனாலே கற்றதுங்கேட் டதுந்நூர்ந்து
முத்திக் கான
நேசமுநல் வாசமும்போய்ப், புலனாயிற் கொடுமைபற்றி
நிற்ப ரந்தோ!
தேசுபழுத் தருள்பழுத்த பராபரமே! நிராசையின்றேற்
றெய்வமுண்டோ?

ஆசையெனும் பெருங்காற்றூடு - ஆசையென்று சொல்லப்படுகிற பெரிய காற்றினில்
இலவம்பஞ்செனவும் - (அலையும்) இலவம் பஞ்சைப் போல
செனவுமனதலையுங் காலம் மோசம் வரும் - மனது அலயும் காலத்தில் மோசம் நேரிடும்
இதனாலே கற்றதுங்கேட்டதும் தூர்ந்து - இதனால் கற்ற கல்விகளும் கேட்ட கேள்விகளும் வீணாகி
முத்திக் கான நேசமுநல் வாசமும்போய் - மோட்சம் அடைவதற்கான விருப்பமும் சிறந்த வாசமும் நீங்கி
புலனாயிற் கொடுமைபற்றி நிற்ப ரந்தோ - இந்த ஐம்புலன் வழியாக கொடுமையான சம்சாரத்தைப் பற்றி கொண்டு நிற்பர் அந்தோ
தேசுபழுத் தருள்பழுத்த பராபரமே - ஒளி நிறைந்த அருள் பழுத்த பராபரமே
நிராசையின்றேற் றெய்வமுண்டோ? - நிராசை இல்லையேல் ஒருவருக்கு தெய்வம் உண்டோ?

ஆசையே எல்லா அழிவுக்கும் மூல காரணம். ஆசையினால் கற்றதும் கேட்டதும் வீணாகப் போய், மோட்சத்தை அடைவதற்கான விருப்பமும் இல்லாமல் இந்த சம்சாரத்திலேயே மூழ்கிக் கிடப்பர் என்பதே இதன் சாரம்.